నేనే రాజు...నేనే మంత్రి!! @ శృంగవరపు రచన

నేనే  రాజు...నేనే  మంత్రి!!
@ శృంగవరపు   రచన

  అదో   కోట....
  అక్కడో   రాజు....
  కష్టం  ఎదురైనప్పుడు,నిస్సహాయత   చుట్టుముట్టినప్పుడు....
ఓ   అతీత  శక్తి  సాయం  చేసి  కాపాడేది....
మా  రాజు  వీరుడు,శూరుడు,మంచితనపు   మకరందం  అన్న   ప్రజల  స్వరాల్లో  సరిగమలకు   పులకించాడు   రాజు...
సాయం  చేసిన  ఆ  అతీత  అమృతమూర్తి ఎప్పుడు  గుర్తొచ్చేది....
ఆ  శక్తి  లేకపోతే   తనకు  యుక్తే  లేదనుకున్నాడు...
రోజు   పూజించి,మంత్రిని  చేసి  భక్తిని  ప్రకటించుకున్నాడు...
అతి వినమ్రతతో  మంత్రి పట్ల విధేయత  ఎల్లప్పుడు   ప్రకటించేవాడు....
క్రమంగా   ప్రజలు  మంత్రిలోనే  రాజును  చూసుకుంటున్నారు..
మంత్రికి  బానిసైపోయాడు  రాజు...
రాణికి  ఇదేం  నచ్చలేదు...
రాజు  రాజే...మంత్రి  మంత్రే  అంది!!
మంత్రి   అప్పటికే  తనే  రాజు అని ప్రకటించుకున్న  వార్త  రాజుకు   తెలిసింది....
రాజు-మంత్రి   యుద్ధం మొదలైంది...
రాణితో   కలిసి  యుద్ధంలో  గెలిచి  మంత్రిని  క్షమించి....
మంత్రికి   బాధ్యతలు  అప్పగించి..అధీనంలో ఉంచుకున్నాడు!!
మనపై  ప్రభావాలే  మొదటి  రాజు....
వాటిని   మోస్తూ....
ఆ   నివాసానికి  మనసనే  పేరిచ్చి....
నా  మనసు  ఒప్పుకోదు అని ఆగిపోయే  స్ధితికి  తీసుకురావడమే   ఆ  మంత్రి  పని....
మన  నిజమైన  ఇష్టాలే  రాణి..
నా మనసు   ఒప్పుకోదు   అన్న  ట్రాష్ కి   గుడ్ బాయ్  చెప్పేద్దాం!!!
ఇక  నేనే  రాజు....నేనే  మంత్రి...అని  గట్టిగా  తీర్మానించేసుకుందాం.....ఏమంటారు??